مر عل وجودى

ـ ابراهيم عايزك تكلم المحاسب وتخليه يزود النفقة بتاعت غاليه
ـ انت بتتكلم جد يا رياض بس الفلوس اللى انت بتبعتها تكفى ولادك زيادة
ـ انا عارف انها تكفى مصاريف ولادى بس غاليه صعبانه عليه أوى حاسس إن ظروفها صعبه وواضح جدا عليها
ـ أولا انت مالك ومال ظروفها جوزها هو اللى مسئول عنها وطالما هى راضيه خلاص ، وغير كده انت عرفت منين ؟؟
ـ ولادى وحشونى اوى انت عارف مسموحلى اشوفهم كل اسبوعين بس وانا كل يومين بروح من بعيد اطمن عليهم بلاقى غاليه لابسه نفس اللبس هما طقمين تلاته وواضح انهم مهلوكين وانا واثق انها مش بتاخد فلوس من فلوس نفقه الولاد ليها ، عشان كده عايز ازود النفقه يمكن لما تلاقيها كتير تصرف منها
ـ رياض انت بتحبها
دخل ذلك السؤال اللى قلب رياض أحيا به و*جع داخل قلبه وعاد الندم يضـ,ـربه بقوه
اجاب عليه بعينين دامعه
ـ كلمه بحبها قليله عليها انا بعشقها
ـ طيب ليه طلـ,ـقتها طالما بتحبها كده
ـ عشان انا مكنتش كده من سنه كنت إنسان قذ*ر وصلتلها لمرحله صعب يتحملها أى إنسان مكنتش اعرف انى بحبها كده غير لما بعدت ومبقتش موجوده وذاد الو*جع اضعاف لما اتجوزت غيرى
ـ طيب وهى بتحبك
ـ كانت بتحبنى بس اللى عملته فيها كفيل إنه يخليها تكر*هه تشوفنى حاولت كتير بس اكلمها عشان اطلب منها السماح لكن للأسف مجرد سماع صوتى بتقفل الخط من غير حتى ماتدينى فرصه اقولها أنا عايز ايه
ـ طيب جوزها ده وضعه ايه
ـ ده ابن عمها معرفش حاجه اكتر من كده ومعرفش علاقتهم عامله ازاى بس بشوف حزن كبير فى عنيها مش زى زمان
عارف زمان لما كانت بتنزل تشترى حاجه مع الولاد كنت تشوفها وهى ماشبه جمبهم كأنها طفله وفرحانه بالحاجة اللى اشتروها
دلوقتي وانا مراقبها بلاقيها ساكته مش بتتكلم ويادوب بتبتسم على كلام الاولاد
ـ طيب انت عملت ايه يوصلكم للحاله دى اكيد حاجه كبيره اوى
صمت رياض يتذكر ماضيه بخذى من نفسه ، ليتها تركته قبل أن يفعل بها ما فعل فى الماضى ليتها ضر*بته او اها*نته او اخذت حقها منه
لما كانت ضعي*فه بتلك الطريقة وعندما اخذت القرار ابتعدت بدون امل
هل كانت تخطت للا*نتقام منى بتلك الطريقة البش*عه ببعدها عنى
اشار رياض
لابراهيم بالخروج وظل يسترجع زكرياته معها ويبكى ندما

**********&*******&*******&******

فى مكان اخر كانت تجلس بالشرفه عيناها مثبته فى الفراغ كطير حزين قام صائده بقص ريشه وتركه فى وسط غابه لا يعلم أين يذهب وكلما يراه حيوان يحاول افتراسه حتى تركوه ضعيف هش لا يستطيع المقا*ومه اصبح شبه ميـ,ـت ولكن مازال على قيد الحياه
قاطع شرودها صوت ابنها وهو يسألها عن الطعام
ـ ماما ماما انا جعان
ـ حاضر تعالى معايا عشان ناكل
ـ هو انكل عيسى هيودينا لبابا يوم الجمعه
ـ مش عارفه ، هتصل واساله ، انت باباك وحشك وعايز تشوفه
ـ أه وحشنى اوى اوى على فكره بابا اتغير اوى يا ماما مش بيزعقلنا خالص بالعكس اى حاجه نطلبها منه بيجبهالنا على طول وبيسالنا عليكى كتير
ـ بص يا حبيبي أنا مش عايزه اعرف بيسأل عنى يقول ايه زى ما انا مش بسأل عنه
عشان كده لو سالك عنى قوله معرفش حاجه ولو سمحت نتكلم عنى انا واخويا بس وهو هيفهم على طول ومش هيسال عن حاجه تخصنى
ـ حاضر يا ماما اتصلى بقى على انكل عيسى شوفى هيودينا امته
ـ حاضر نادى اخوك ياكل معاك على ما اتصل بيه
ـ قامت غاليه بالاتصال على عيسى الذى اغلق عليها الخط بمجرد ما رأى رقمها ، اتى ىاليها ابنائها يسألوها عن رده لكنها اعتذرت لهم
ـ عمو مشغول يا حبيبي لما يفضى هيتصل بينا اتفقنا